દેશભરમાં પહેલી જુલાઈથી મોબાઈલના નંબરોમાં ફેરફાર જોવા મળશે. નવું સીમ કાર્ડ લેનારે 10 આંકડાનો નંબર ઈશ્યૂ કરવાને બદલે 13 આંકડાનો નંબર ઈશ્યૂ કરવામાં આવશે. સરકારના દૂર સંચાર વિભાગની મળેલી બેઠક બાદ આ નિર્ણય લેવામાં આવ્યો છે જેના પર અમલવારી કરવા માટે કેન્દ્ર સરકારે તમામ રાજ્યોને નિર્દેશ આપ્યો છે.
હવેથી મળશે 13 આકડના મોબાઈલ નંબર..
કેન્દ્ર સરકારના દૂર સંચાર વિભાગની મળેલી એક બેઠકમાં એવી ચર્ચા વિચારણા કરવામાં આવી હતી કે હાલમાં ભારતમાં મોબાઇલ ઇન્ટરનેટ યૂઝરોની સંખ્યા લગભગ 47.8 કરોડની આસપાસ છે. હવે 10 આંકડાનો નવો નંબર ફાળવવાને કોઈ અવકાશ રહ્યો નથી. તેથી હવે 10 કરતાં વધારે નંબરો વાળી સિરિઝ શરૂ કરવામાં આવી છે. આ માટે તમામ તૈયારીઓ પૂરી કરી દેવામાં આવી છે. પહેલી જુલાઈથી તેનો અમલ કરવામાં આવશે. જે અન્વયે નવો મોબાઈલ નંબર લેનારને હવે 10ને બદલે 13 આંકડા વાળી સિરિઝ ધરાવતો નંબર એનાયત કરવામાં આવશે. આ માટે તમામ રાજ્યોને સૂચિત કરવામાં આવ્યા છે.
જૂના 10 આકડા ના નંબર તો એમણમ જ રહેશે...
આ મામલે સાથોસાથ એવી સ્પષ્ટતા પણ કરવામાં આવી છે કે જે નંબરો ઈશ્યૂ કરી દેવામાં આવ્યા છે અને વપરાશમાં છે તે યથાવત રહેશે. પહેલી ઓક્ટોબરથી 31 ડિસેમ્બર સુધીના ત્રણ મહિનામાં જૂના નંબરો અપડેટ કરી લેવામાં આવશે, તેવું પણ સૂત્રો પાસેથી જાણવા મળ્યું છે.